A folla de ruta da Formación Profesional galega porá o foco na capacitación dixital
martes, 11 de xullo do 2023
A
Consellería de Cultura e Educación lanzou o que sería o
primeiro Plan de Capacitación
do Profesorado
de FP e Réxime Especial, a folla de ruta formatva específica para
estes ámbitos que ten como principal obxectivo “dotar aos docentes
das ferramentas necesarias para afrontar os novos retos educativos
vinculados ás demandas dos sectores produtivos”, retos
que son en boa medida tecnolóxicos, tal e como constatou o
conselleiro Román Rodríguez na
presentación do plan celebrada este martes 11 de xullo no
Centro Galego de Innovación da FP Eduardo Barreiros, en Ourense.
A
través deste plan, que supón un investimento global de 1,8M€,
ofértanse preto de 11.300 prazas formativas e inclúense unhas 750
actividades entre xornadas, congresos e convocatorias varias, todas
elas enfocadas a “garantir a mellor formación didáctica, en
competencias lingüísticas, en dixitalización e en distintas áreas
de especialización”, matizou Román Rodríguez.
Seis
liñas de actuación
O
plan
contempla seis liñas de actuación específicas que abraguen as
áreas lingüística, de dixitalización, de innovación, de
formación adaptada aos cursos de especialización, de acreditación
de competencias e de formación en alta especialización.
No
ámbito das competencias
lingüísticas profesionais, incorpora
formación en técnicas innovadoras de ensino de idiomas para un
proceso de aprendizaxe máis interactivo, dinámico e efectivo. Así
mesmo, incorpora o uso de ferramentas tecnolóxicas como aplicacións
móbiles,
plataformas en liña, software de aprendizaxe de idiomas e recurso
multimedia.
Na
liña da dixitalización
aplicada aos sectores produtivos, tamén se vincula coa integración
de tecnoloxías dixitais segundo as familias profesionais, solucións
dixitais para a mellora da eficiencia, a produtividade e a calidade
nas diferentes áreas de traballo e a transformación de actividades
laborais enfocadas a novas oportunidades e desafíos en cada ámbito
profesional.
A
liña de innovación
tecnolóxica, científica e didáctica está enfocada á adquisición
de habilidades tecnolóxicas imprescindíbeis,
a aplicación de ferramentas, recurso e metodoloxías tecnolóxicas
na aula, transmisión ao alumnado de avances científicos e últimas
investigacións e estratexias e enfoques didácticos innovadores que
fomenten a aprendizaxe activa, significativa e práctica.
A
cuarta das liñas é a de formación
adaptada aos cursos de especialización, que inclúe uso de
ferramenta, equipamento e software especializado no ámbito laboral e
actualización nas técnicas e nas prácticas máis recentes no eido
profesional.
Tamén
hai unha liña de Acreditación de Competencias Profesionais, con
actividades formativas dirixidas a persoal experto non docente. As
propostas neste eido inclúen accións para o desenvolvemento das
funcións de asesoramento e das funcións de avaliación.
Finalmente,
hai unha liña específica de formación
en alta especialización, que inclúe o deseño e implementación de
actuacións formativas para dar resposta ás demandas e necesidades
dos sectores produtivos e á actualización do profesorado.
Neste
eido abordaranse os novos retos tecnolóxicos, a formación de
profesionais altamente cualificados ou os requisitos para os novos
mercados. Para iso terase en conta a formación especializada no uso
de tecnoloxías vinculadas aos procesos produtivos, no marco da
Axenda de Competitividade Galicia Industria 4.0.