A filial española de Alk confía a totalidade das súas comunicacións a Vodafone
mércores, 6 de novembro do 2013
Alk-Abelló,
filial española do grupo danés Alk, vén de confiar a totalidade
das súas comunicacións móbiles á operadora Vodafone
España e máis ao fabricante europeo Nokia.
Lembrar que Alk é unha compañía centrada no diagnóstico e
tratamento etiolóxico das doenzas alérxicas, e que está presente
en varias ducias de países. Con este acordo con Vodafone España,
que non é outra cousa que unha renovación de máis alcance dun
acordo xa previo, Alk-Abelló recibirá da operadora comunicacións
fixas, móbiles, de voz e de datos, ao que se suma a incorporación
de teléfonos intelixentes Nokia Lumia 620 (o 80% do total) e Nokia
C2 (o 20% restante), Para a filial española de Alk, o acordo vai
permitir que os seus traballadores poidan estar comunicados en todo
intre mellorando a súa produtividade en mobilidade.
E máis se temos en conta
a importancia de moitas actividades que acubilla a división
española: o seu equipo de I+D colabora xunto cos seus colegas na
central en Dinamarca en ambiciosos programas de investigación básica
nos eidos da inmunoloxía e alerxia “e por tanto precisa a sacar o
máximo partido ás funcións de conectividade que ofrecen os
terminais Nokia”, informa a compañía.