A fibra óptica de Vodafone e Orange xa se atopa en 12 cidades españolas
luns, 2 de setembro do 2013
Xa son
doce as cidades españolas que contan coa rede de fibra óptica de
Vodafone e Orange, máis polo miúdo: Madrid, Barcelona, Sevilla,
Málaga, Valencia, Alacante, Zaragoza, Córdoba, Valladolid,
Alcorcón, Badalona e Hospitalet de Llobregat. Cómpre dicir que en
cadansúa destas cidades, as compañÃas asignaron os proxectos a
diferentes empresas, que
comezaron os despregamentos das redes horizontais e a fase de
obtención de permisos das comunidades de veciños. Emporiso, nos
edificios onde Telefónica xa levou a cabo o seu despregamento,
Vodafone e Orange daban paso ao proceso para acceder ás
infraestruturas verticais, grazas ao acordo asinado con este
operador, o pasado 2 de xullo. Alá onde Telefónica non realizou
despregamento, Vodafone e Orange están a desenvolver o seu propio
tendido de verticais.
Durante
o primeiro ano do acordo, ambas as compañÃas prevén completar o
despregamento de 800.000 unidades inmobiliarias, sendo o seu
obxectivo chegar a 6 millóns de unidades inmobiliarias en máis de
50 cidades españolas nun prazo de catro anos e medio. O acordo
propón que cada compañÃa despregue a súa propia rede FTTH en
zonas complementarias, tanto o treito horizontal coma os cableados
verticais precisos para o acceso aos edificios, e que ambas as
compañÃas se faciliten o acceso mutuo e o uso das súas respectivas
infraestruturas. Asà mesmo, ambos os operadores negociarán de
maneira conxunta acordos de acceso con calquera outro operador que
dispoña de verticais nas cidades seleccionadas como as primeiras
para o despregamento conxunto. Asemade, Vodafone e Orange asinaron un
acordo recÃproco con Telefónica que permite o acceso ás verticais
despregadas polos tres operadores. Engaden dende Orange-Vodafone que
recorreron os prezos de acceso ás verticais de Telefónica que fixou
a CMT de xeito cautelar. Ambas as compañÃas consideran que se
marcan uns prezos discriminatorios que incrementan de maneira
artificiosa os custos e que supoñen unha vantaxe competitiva para
Telefónica e un atranco á competencia efectiva no mercado
comerciante polo miúdo.
Sinalar, por último, que
o investimento previsto para o lanzamento e as obras de despregamento -que xa se están a desenvolver neste primeiro ano- é de 200 millóns
de euros.