A ferramenta estatal Radar COVID estará operativa en toda España a mediados de setembro
mércores, 19 de agosto do 2020
O
Goberno vén de dar máis detalles sobre as datas de operatividade
definitiva da aplicación estatal Radar COVID, da que falamos onte
en Código Cero destacando a adhesión á mesma do Goberno galego,
que, como lembraremos, ten en fase de probas unha ferramenta
tecnolóxica antiCOVID propia, Pass COVID, que será interoperábel
coa estatal. Segundo fixo saber o Ministerio de Sanidade, o 15 de
setembro é a data que baralla o Estado para que a aplicación de
rastrexos de persoas infectadas estea dispoñÃbel en toda España.
Porén, haberá un adianto nos últimos dÃas de agosto. EstÃmase
que este adianto levarase a cabo en tres comunidades.
Isto
débese que a SecretarÃa de Estado de Dixitalización e Intelixencia
Artificial precisa de prazos para incorporar a app a cada un
dos sistemas informáticos sanitarios das Comunidades, que son
especÃficos e particulares. Segundo puidemos, saber, as que
presentan unhas condicións máis idóneas para a implementación
inmediata de Radar COVID son Baleares, Aragón e Canarias. De feito
foi nesta última Comunidade, na Gomera, onde se realizou a proba
piloto da ferramenta, unha experiencia na que se acadou o dobre de
efectividade cá conseguida cun rastrexador normal. Respecto da
posibilidade de descargar Radar COVID no noso dispositivo, pode
facerse aÃnda que non teremos operatividade na mesma até que se
active definitivamente nas Comunidades a partir de setembro.
Máis información de Radar COVID
Radar
COVID posibilita
identificar contactos detectados de
xeito automático pola propia ferramenta a través de Bluetooth.
Este
servizo estará dispoñÃbel superada xa a fase de probas en xullo, na illa da Gomera e sobre unha
base de poboación reducida e controlada: 3.000 persoas usuarias.
Durante este perÃodo, a
aplicación foi
quen de rexistrar
6,4 contactos estreitos por positivo ficticio confirmado, unha
cifra que duplica as cifras achegadas mediante rastrexo manual.
A
aplicación Radar COVID, segundo informaron fontes estatais este mes
de agosto, está
a poñer o
foco, nesta
primeira etapa do seu lanzamento,
nas zonas máis afectadas polos gromos de coronavirus.
Como
dixemos, tira proveito da conexión Bluetooth dos nosos teléfonos
móbiles e dunha funcionalidade que garda, en cada trebello, o
identificador anónimo emitido polos móbiles da contorna que se
aproximen e se manteñan preto durante máis de un cuarto de hora.
Deste xeito, cando unha persoa é diagnosticada co coronavirus ten na
súa man activar este dato na ferramenta e manter ao seu arredor un
cordón de seguridade.