A debate as conclusións do Foro sobre Comunicación e Discapacidades
xoves, 18 de xaneiro do 2007
O Observatorio dos Medios vén de facer
públicas as
conclusións acadadas no Foro sobre Comunicación e Discapacidades, que tivo
lugar entre o 6 de novembro e o 16 de decembro do pasado ano, co fin de
comentalas (e modificalas se é preciso) antes da súa publicación definitiva a
finais de xaneiro na mesma web. Cómpre subliñar que este debate segue a ser
aberto, estando convidada toda a cidadanÃa en xeral e, en especial, as persoas
e colectivos que participaron no foro virtual.
O coordinador de contidos, José Villanueva, foi o encargado de elaborar o
documento que contén os resultados e as conclusións xurdidas neste espazo de
discusión na Internet, a partires da recompilación dos comentarios e das ideas
dos diferentes relatorios, asà como das expostas na xornada presencial,
celebrada o pasado 16 de decembro na Fundación LuÃs Seoane da Coruña.
O obxectivo destas conclusións é unir as ideas, experiencias e recomendacións
de xornalistas, persoal académico e organizacións de persoas con discapacidade
para asà facer viable que este colectivo teña unha presenza máis xusta e
axeitada nos medios de comunicación.
