A competencia desleal no sector TIC, a debate a vindeiro 11 de decembro da man de INEO
mércores, 5 de decembro do 2012
O 11 de decembro, Vigo acolle un novo
Foro INEO, baixo o título A
competencia e concorrencia desleal no sector TIC. Diríxese
en boa media a desvelar un problema que vai a máis e, tamén, a
xerar debate arredor del: o problema da proliferación de prácticas
que repercuten negativamente na competitividade do sector e que veñen
motivadas, en boa medida, pola crise e o desemprego. Este tipo de
prácticas materialízanse, segundo avanza INEO, nun maior
intrusismo, estratexias agresivas que baixan os prezos por
baixo dos custes de produción, publicidade enganosa, copia ilegal de
produtos, aumento da oferta e demanda de produtos elaborados ou
mercados de xeito fraudulento, etc.
“As condicións de dificultade
actuais”, engaden fontes da asociación galega, “levan a
que, en ocasións, sexan persoas que están ou estiveron ligadas á
propia empresa as que incorren neste tipo de prácticas,
beneficiándose de modo ilícito de información sobre produtos,
procesos, clientes e estratexias”. O foro oro pretende
clarificar o escenario actual, pondo especial énfase neste último
fenómeno, coñecido como “concorrencia desleal”. Trátase
de facilitar a identificación das normas e instrumentos que as
empresas teñen á súa disposición para a protección da súa
actividade e produtos.
A asistencia é aberta, gratuíta
para os socios de INEO e clientes de Garrigues e con custo para os
non socios de 40 euros+IVE. A inscrición debe formalizarse chamando
ao teléfono 986 112 570 ou enviando un correo electrónico a
administracion@ineo.org indicando nome da persoa que agarraches, así
como os seus datos de contacto e a empresa á que pertence.
A apertura do foro correrá a cargo
de Lucía Gregorio, directora xeral de INEO. Francisco Veiga Calvo,
socio de Garrigues, Sandra Igrexas Babia, asociada de Garrigues, e
Borja Ríos González, asociado de Garrigues, serán os encargados de
expor o relatorio sobre O intrusismo nas empresas TIC.