A asociación AGORA converteu a 26 persoas en expertas no manexo das TIC
mércores, 29 de decembro do 2021
A
asociación AGORA de Persoas con Discapacidade de Monforte de Lemos,
entidade membro da confederación galega COGAMI, fixo balance do
acadado co seu proxecto TIC impulsado este ano que estamos a piques
de rematar, habilitado para achegar as novas tecnoloxías e o manexo
de Internet ás persoas con discapacidade.
Baixo
o nome de Dixitalizando o Rural, levou a formación
transformadora a un total de 26 persoas, que aprenderon o manexo
básico de equipos informáticos e aplicacións TIC (Tecnoloxías da
Información e a Comunicación) para realizar xestións como, por
exemplo, saber solicitar unha cita na administración a través do
uso dun aplicativo móbil ou a realización de terapias mediante a
ferramenta NeuronUp (que permite deseñar actividades de
rehabilitación en diferentes áreas como a logopedia, psicoloxía ou
traballo social, dando a posibilidade de ver a evolución e
obxectivos acadados en cada unha das áreas de actuación).
Dixitalizando
o Rural foi posíbel a través do financiamento dos fondos do
0,7% de IRPF da declaración da renda procedentes das persoas
contribuíntes que marcaron o recadro de Actividades de interese
xeral consideradas de interese social e que xestiona a Xunta de
Galicia.
AGORA,
con este financiamento, puido abastecerse de equipamento informático,
tabletas, equipos de sobremesa e portátiles que permitiron o
desenvolvemento da actividade.
O
programa tivo unha duración de 12 meses pero a entidade dará
continuación o mesmo durante os vindeiros anos, xa que considera que
“o manexo das novas tecnoloxías é unha ferramenta fundamental
para mellorar calidade de vida e autonomía das persoas con
discapacidade”.