A actualización a Leopard presenta problemas a algúns usuarios, mentres que aparece unha versión crackeada para PC
luns, 29 de outubro do 2007
- O Leopard executándose nun PC
O pasado venres Apple estreou a 5ª versión do seu
sistema operativo Mac OS X máis coñecida coma Leopard, e parece que está a
causar problemas a moitos usuarios, que falan da aparición
de pantallazos azuis ó máis puro
estilo do Microsoft Windows, e que poderÃan estar provocados por aplicacións
instaladas en versións anteriores do sistema operativo antes da súa actualización,
o que parece ser máis grava en equipos baseados en procesadores PowerPC, pero a
compañÃa de Steve Jobs parece que xa solucionou algúns dos problemas máis
graves e publicou
a solución para superalos.
Pero o que máis está a sorprender na comunidade de usuarios de Apple é que a
poucas horas do lanzamento do Leopard xa apareceron copias do sistema operativo
pirateadas para poder funcionar en
ordenadores PC con procesadores Intel con soporte de instrucións SSE3. Nun
principio iso non deberÃa ser moi sorprendente (xa que existÃan versións
modificadas de anteriores versións do Mac OS X adaptadas incluso para
procesadores AMD con SSE2) pero a velocidade coa que moitos usuarios de PC se
lanzaron a probar o novo sistema operativo de Apple non tiña precedentes.
De tódolos xeitos, hai que indicar ós usuarios de PC que queiran aventurarse a
probar o Mac OS X que a operación non é sinxela e pode dar lugar a moitas
incompatibilidades de hardware, xa que o S.O. de Apple está deseñado para
funcionar nuns equipos determinados e non coa diversidade de compoñentes
habituais nos PC.