A Xunta presentará o venres a Axenda Dixital de Galicia
mércores, 23 de xuño do 2010
O presidente do
Executivo autonómico, Alberto Núñez Feijoo, e a secretaria xeral de
Modernización e Innovación Tecnolóxica, Mar Pereira, presentarán
este venres as liñas estratéxicas da 2014.gal Axenda Dixital de Galicia
ante os axentes polÃticos, sociais e económicos da Comunidade.
A Axenda Dixital de
Galicia aglutina a estratexia en materia de novas tecnoloxÃas da Xunta e define
as actuacións para maximizar o potencial social e económico das TIC como peza
clave que axude a converter a economÃa actual nunha economÃa intelixente,
sustentable e integradora cun alto nivel de emprego, cohesión social e
territorial.
Cun orzamento público de
preto de máis de 900 millóns de euros, na Axenda Dixital integraranse tamén os
esforzos privados, que se estiman na orde de 700 millóns de euros. En total, o
esforzo conxunto destinado ao desenvolvemento da sociedade da información
achegarase aos 1.600 millóns de euros.
A Axenda Dixital de
Galicia, con sete liñas estratéxicas e 40 programas, é o instrumento que
establece o xeito no que as polÃticas tecnolóxicas darán soporte e reforzan
transversalmente os distintos eixos de actuación do Plan Estratéxico; é a
resposta para 2014 ao reto do crecemento intelixente, baseado no coñecemento e
na innovación.
