A Xunta licita o equipamento para dixitalizar outras 30 salas de vistas
venres, 17 de xullo do 2020
A AMTEGA vén de licitar a contratación do equipamento necesario para
implantar outras 30 salas de vistas integramente dixitais, cun investimento de
840.000 euros. Unha vez completada esta instalación serán 76 as salas de vistas
dos xulgados galegos preparadas para celebrar xuÃzos sen papeis.
As salas de vistas dixitais están dotadas cun software de uso sinxelo e
intuitivo desde o que o auxilio xudicial manexa un equipamento tecnolóxico de
última xeración: micrófonos dixitais con calidade de audio profesional; cámaras
de vÃdeo de alta definición no estrado e no fondo da sala con zoom robotizado;
videoconferencia integrada; e pantalla para visualizar a sala desde as
diferentes perspectivas e tomas de datos para a conexión de equipos.
Esta solución integrada permite aos profesionais participantes nunha
vista oral o uso do expediente xudicial electrónico sen necesidade de empregar
documentos en papel. Ademais, facilita a visualización e gravación de probas
fÃsicas desde distintos puntos da sala e posibilita a participación de persoas
desde fóra da sala con garantÃas para testemuñas protexidas e menores.
O obxectivo é a estender, progresivamente, á totalidade das salas de vistas dos xulgados
galegos este modelo de salas de vistas integramente dixitais para axilizar as relacións e comunicacións no
desenvolvemento da actividade xudicial; minimizar os custes derivados dos
desprazamentos, tanto dos profesionais como dos cidadáns; posibilitar a declaración
remota dos cidadáns nos procedementos xudiciais, e a incorporación das
gravacións de vistas e a ao expediente
xudicial electrónico.