A Xunta difunde en Galicia o programa Kit Dixital de Red.es
martes, 15 de febreiro do 2022
A Xunta difundirá en Galicia o programa de
axudas Kit Dixital impulsado polo Ministerio de Asuntos Económicos e
Transformación Dixital e enmarcado no plan de Recuperación, Transformación e
Resiliencia, que esta mañá presentouse na Cidade da Cultura nun acto no que participaron
a directora da AMTEGA, Mar Pereira, e o director xeral de Red.es, Alberto
MartÃnez.
Mar Pereira salientou na súa intervención a
importancia de sumar esforzos entre as administracións para gañar en
efectividade nos programas de dixitalización que se levan a cabo no Plan de
Recuperación, Transformación e Resiliencia; mentres que Alberto MartÃnez
sinalou que «a dixitalización chegou para quedar, si ou si, e non debemos
deixar a ninguén atrás. Polo que este programa non é só unha oportunidade para
as pequenas empresas e autónomos, senón tamén para as pemes dixitalizadoras».
O programa Kit
Dixital presentado hoxe complementará as accións que leva a cabo a Xunta para a
dixitalización das pemes e será desenvolvido con fondos Next Generartion por
Red.es. O programa conta cunha dotación
de 3.000 millóns de euros para axudas a pemes.
A Xunta difundirá
o programa Kit Dixital tanto en accións dirixidas a axentes dixitalizadores
como ás propias pemes dos diferentes sectores de actividade. Farao a través de
eventos especÃficos no GaiasTech, asà como a través de enlaces á plataforma
Acelera Pymes. Tamén puxo a disposición deste programa as oficinas locais de Acelera
Pemes. Asà mesmo, prestará soporte para a solicitude de axudas a
través da rede de aulas CeMit.
Máis de 70.000
pequenas e medianas empresas de Galicia poderán optar a recibir estas axudas.
Ademais, as máis de 3.000 empresas do sector TIC galegas poderán optar a
participar no Kit Dixital como axentes dixitalizadores. Neste sentido, hai xa
250 empresas tecnolóxicas galegas interesadas en participar.
Na presentación
de hoxe, o director de EconomÃa Dixital de Red.es, Luis Prieto, explicou o
programa aos asistentes, que puideron coñecer de primeira man experiencias de
éxito en sectores como a panaderÃa, a medicina ou a viticultura.
Apoio ás pemes no marco da Estratexia Galicia Dixital 2030
Este programa
complementa as accións desenvolvidas pola Xunta de Galicia para apoiar a
dixitalización das pemes, que permitiron que no ano 2021 se destinaran máis de
23 millóns de euros a axudas. Ademais das achegas por importe de 7,4 millóns de
euros para a dixitalización e a realización de obradoiros, a Xunta puxo en
marcha liñas especÃficas, como o programa Galicia Exporta Dixital, con 6
millóns de euros; o Cheque Dixital, con 4 millóns de euros, ou as axudas para a
promoción dixital para a hostalerÃa, con 6 millóns de euros.
A Xunta, a través
do Instituto Galego de Promoción Económica e da Axencia para a Modernización
Tecnolóxica de Galicia ten en marcha o programa ReAcciona, con convocatorias
abertas ata o mes de abril de 2022. Esta acción ten como obxectivo capacitar ás
pemes ante os novos retos e acelerar os procesos de mellora e incorporación de
coñecemento ás súas estruturas. Dispón dun total de 15 servizos ao redor de catro eixos de
competitividade: a estratexia, a profesionalización, a dixitalización e a
innovación.
Estas actuacións
enmárcanse na estratexia Galicia Dixital 2030, que no seu eixo sétimo EconomÃa
Dixital e Sostible, promove o impulso é dixitalización empresarial para a
competitividade.