A USC convoca a edición catorce do seu certame de iniciativas empresariais innovadoras
mércores, 26 de marzo do 2014
A Universidade
de Santiago de Compostela, a través do seu programa de creación
de empresas Uniemprende, vén de convocar a edición número catorce
do seu Concurso
de Proxectos Empresariais Innovadores (bases en PDF). O obxectivo do certame,
unha vez máis, é o de impulsar a creación de iniciativas de
mercado creativas que abran novos nichos de actividade ou marquen as
diferenzas con respecto a desenvolvementos previos, xeralmente
ligadas á tecnoloxÃa e ao coñecemento. Vai dirixido a estudantes,
titulados/as e/ou investigadores/as de calquera das tres
universidades galegas, asà como dos centros asociados da UNED
emprazados en Galicia.
Segundo informa a USC, as persoas interesadas en
participar neste concurso poderán presentar as súas respectivas
propostas ata ao 30 de abril de 2014, para o que deben cubrir o
formulario
en liña xa dispoñÃbel. A Universidade puxo a disposición das e
dos potenciais candidatas/os formación gratuÃta para elaborar o
plan de empresa durante o vindeiro mes de abril.
As bases do XIV Concurso de Proxectos Empresariais
Innovadores da USC establecen, do mesmo xeito que na pasada edición,
tres modalidades de concurso. Os proxectos galardoados en cada unha
das categorÃas recibirán cadansúa gratificación en metálico por
importe de 2.000 euros. Daquela, o autor ou autores/as do proxecto de
empresa innovadora distinguido na modalidade de empresa de base
tecnolóxica, percibirán un premio de 2.000 euros, ademais de ter a
posibilidade de acadar ata 24.000 euros de financiamento a través
dun préstamo participativo. Os premios Empresa Xove e Muller
Emprendedora tamén contarán nesta edición con cadansúa dotación
económica de 2.000 euros.