A UDC e o Clúster TIC Galicia presentan este venres 15 o seu Innova Club
xoves, 14 de xullo do 2022
O
reitor da Universidade da Coruña, Julio Abalde Alonso, a directora
do Campus Innova, Susana Ladra González, o director do CITIC, Manuel
González Penedo e o presidente do Clúster TIC Galicia, Antonio
Rodríguez del Corral, van organizar un xornada de actividade este
venres 15 de xullo, a partir das 10:00 horas no CITIC, para
presentar o Club de Innovación Aberta Innova
Club.
Trátase
dunha iniciativa pioneira, posta en marcha polo Campus Innova da
Universidade da Coruña e o Clúster TIC Galicia, que ten como
obxectivo “dar solucións a retos empresariais complexos, difíciles
de solucionar individualmente e cos medios tradicionais”. Segundo
informan as dúas entidades, ao abeiro desta iniciativa equipos
deseñados de maneira personalizada e a medida, formados por expertos
de empresas tecnolóxicas, profesionais, profesores e alumnos
universitarios, idearán e prototiparán solucións innovadoras que
darán resposta a necesidades reais do mercado.
O
acto de presentación contará tamén coa participación do
responsábel da dinamización e xestión do Innova Club, Juan Carlos
Bugallo Taibo, e do presidente da Autoridade Portuaria da Coruña,
Martín Fernández Prado, que presentarán o primeiro caso de uso do
Innova Club, un reto exposto pola Autoridade Portuaria da Coruña
sobre a rastrexabilidade dos cereais con destino á cabana
agrogandeira no porto coruñés.