A UDC celebra unha xornada técnica sobre Recuperación da Información e PLN
luns, 30 de abril do 2012
A Facultade de Informática da
Universidade da Coruña vai acoller, o vindeiro mércores dÃa 2 de maio, un
seminario que leva por nome Recuperación
da Información e PLN, que organiza a Rede Galega de Recursos LingüÃsticos para
unha Sociedade do Coñecemento, RELISCO, con vistas a afondar nos coñecementos
que sobre este eido teñen as persoas asistentes.
O acto dará comezo a partir das
10:30 horas coa intervención de Gaël Dias, da University of Caen
Basse-Normandi, que ofrecerá un relatorio sobre Information Digestion; a esta intervención séguelle no programa a
de Luis Pérez Freire, de Gradiant, xusto antes de rematar a sesión da mañá coa
intervención de Daniel Fernández González, do Grupo COLE da Universidade de
Vigo, que falará sobre a análise de dependencias baseado en transicións.
A sesión da tarde dará comezo a
partir das 16:00 horas, coa intervención de Milagros Fernández Gavilanes, do
Grupo COLE da Universidade de Vigo, convidada ao evento para falar sobre o
modelo de recuperación semántica conceptual; para continuar coa do seu
compañeiro de grupo, Adrián Blasco González, que intervirá cun relatorio sobre Avaliación do modelo de RI conceptual.
A xornada pecharaa un da casa,
Jesús Vilares Ferro, do Grupo LYS da Universidade da Coruña, cun relatorio moi
técnico denominado Subword-Level Pseudo-Translation for CLIR Using Parallel Corporation.