A UDC acelera o tempo de recuperación ante desastres de semanas a 48 horas con Veeam Data Platform
xoves, 19 de outubro do 2023
Veeam
Software, referente en
protección de datos, vén
de facer balance da súa colaboración coa Universidade de Coruña,
que consistiu, en liñas xerais, en mellorar os sistemas de
seguridade dixital da institución e os seus recursos de resposta
ante incidencias.
Segundo
explican fontes de Veeam Data, a infraestrutura de TI da UDC cambiou
e evolucionou co tempo para incluír novas tecnoloxías como a
computación na nube, a Intelixencia Artificial (IA) e as solucións
de automatización, derivando nunha fonda transformación do enfoque
de backup e da replicación de datos, cun aumento importante
da resiliencia operativa e cunha redución significativa da
necesidade de intervir manualmente.
Ademais,
UDC utiliza Veeam para mellorar a súa estratexia de recuperación
ante desastres (DR). Así, o tempo que tarda a institución en
recuperarse dun desastre reduciuse de varias semanas a tan só 48
horas, reducindo a utilización da almacenamento de backup nun
60% e os tempos de copia de seguridade nun 67%, explica a empresa
tecnolóxica.
"Saber
que con Veeam podemos recuperar datos críticos e sistemas de TI en
tan só 48 horas en lugar de semanas é unha gran vantaxe nunha
universidade na que a aprendizaxe e a innovación están en constante
movemento. Para que os nosos usuarios prosperen, necesitan a máxima
dispoñibilidade, e con Veeam estamos á altura dese desafío",
afirma Daniel López, arquitecto de Sistemas do Departamento de
Infraestruturas da Universidade da Coruña.
Prioridades
As
prioridades do equipo de TI da universidade baséanse en garantir a
dispoñibilidade ininterrompida de datos e sistemas, asegurando a
produtividade dos seus usuarios a través dunha solución de
protección de datos preparada para o futuro, evolucionábel e
adaptábel a unha contorna de TI que cambia rapidamente.
“A
Universidade da Coruña”, engaden den a empresa de software, “foi
capaz de recuperarse dunha interrupción do servidor cuns poucos
clics de rato, o que lle permitiu proporcionar experiencias
consistentemente boas aos seus 25.000 usuarios e minimizar o risco de
perda de datos en case calquera escenario”.
Segundo
explica Daniel López, "Veeam proporciónanos unha solución
preparada para o futuro que necesitamos para levar á UDC á seguinte
fase da súa transformación dixital. É independente do hardware e
intégrase con todo tipo de aplicacións, polo que é a opción
adecuada para unha organización innovadora como a nosa".
Empresa
e institución coinciden tamén ao afirmar que a contorna de TI da
universidade sufriu “un cambio drástico nos últimos 12 anos” e
que as solucións tecnolóxicas achegadas por Veeam, que poden
adaptarse aos cambios da contorna, “permiten a estudantes e
profesores da institución innovar libremente, coa confianza de ter
os seus datos sempre protexidos”.