A Tecnópole prepárase para celebrar a Galiciencia
luns, 9 de novembro do 2015
A Galiciencia
cumpre dez anos de vida e quer celebralo ao grande: con récord
de visitantes (supéranse os 20.000 ao longo destes 10 anos) e
proxectos (500 na vida total do evento) chegados de toda Galicia,
Euskadi e Cataluña ... e mesmo cunha torta de aniversario! Indo ao
miolo da que se pode considerar a meirande feira cientÃfica de
Galicia, informar que o encontro terá lugar a vindeira semana, entre
o 18 e o 20 de novembro, no Parque Tecnolóxico de Galicia-Tecnópole
(Ourense), no que se presentarán 74 investigacións e enxeños, todo
isto grazas ao apoio da ConsellerÃa de EconomÃa, Emprego e
Industria.
Cómpre informar que a
Tecnópole reforza a organización de actividades parellas e
consolida a experiencia piloto do ano pasado para dar entrada a
proxectos de Primaria: 52 proxectos de Secundaria e 22 de Primaria,
estes últimos fóra de competición.
Emporiso, a previsión de
visitas de grupos escolares de toda Galicia supera as 2000, ás que
se sumarán as persoas que acudan pola súa conta, xa que a feira é
de entrada libre polas tardes. A exposición de proxectos permanecerá
aberta de 10 a 13 horas pola mañá e de 15 a 18 horas pola tarde.
Os participantes
competirán por situarse entre os tres finalistas e o que acade a
maior puntuación levará o primeiro premio (1000 euros) para
financiar a súa participación na maior feira cientÃfica a nivel
estatal, a Exporecerca 2016.
Como xa apuntamos ao
comezo, a Galiciencia chega á súa décima edición cun variado
programa de actividades, que inclúe a conmemoración do Ano
Internacional da Luz e das TecnoloxÃas baseadas na Luz a través de
catro obradoiros para diferentes idades. Engadir que esta será tamén
a temática da exposición instalada polo Consello Superior de
Investigacións CientÃficas (CSIC) e da charla que poderá seguirse
en liña dende calquera centro educativo de Galicia grazas á súa
retransmisión en streaming.
En canto aos máis
pequenos, terán a ocasión de mergullarse no mundo da robótica a
través doutro obradoiro. E os maiores poderán percorrer os dez anos
do evento a través dunha exposición de fotografÃa na que se
recollen os mellores intres.
Un ano máis, a
Galiciencia contará cun equipo de reporteiros audiovisuais formado
por participantes na feira, que gravarán todo o que aconteza para
editar o vÃdeo oficial do evento coas mellores imaxes. Asemade, o
certame volverá montar a súa propia redacción de xornalistas
(formada por estudantes adestrados como reporteiros) para cubrir o
evento e elaborar entre todos a revista oficial, que será
distribuÃda entre os asistentes á entrega de premios o último dÃa.
Xa na clausura, alén da
entrega de premios aos mellores proxectos e ao gañador do concurso
de fotografÃa cientÃfica, todos os participantes soprarán as
candeas dunha torta para festexar o décimo aniversario da
Galiciencia.