A Tecnópole organiza en xaneiro un curso de iniciación aos drons
venres, 9 de decembro do 2016
A Tecnópole
de Ourense vai organizar en xaneiro curso de iniciación aos drons.
A actividade diríxese a fornecer coñecementos básicos “para
podermos gozar integramente da experiencia de voar estes aparellos
non tripulados”. Entre os puntos fortes da actividade formativa
inclúese a posta a disposición do alumnado de vehículos aéreos
empregados para series como El
Final del Camino, unha produción da firma galega Voz
Audiovisual que inclúe (entre outras cousas) un pormenorizado
achegamento á Galicia da Edad Media. O curso desenvólvese o 11 de
xaneiro en modalidade presencial de 8 horas duración (xornada
completa), na propia sede da Tecnópole en San Cibrao das Viñas
(Ourense). Imparten os profesionais da firma AeroCámaras,
operadora galega de tecnoloxías aéreas de filmación con sedes en
San Cibrao, Lalín, Madrid e Tarifa.
Segundo informa a
Tecnópole, os alumnos recibirán
coñecementos xerais de lexislación, dos
diferentes modelos de
drons, das
súas utilidades e das
nocións básicas de voo, entre outros temas.
O
curso impartirase nunha aula de formación e nun
campo de voo habilitado
para a realización de exercicios,
estando os
participantes asesorados
polos docentes especializados. Segundo
engade a Tecnópole, unha
vez rematada a
actividade, os alumnos
terán acceso a todos os descontos de formación e equipos
profesionais no caso de que queiran realizar a formación oficial de
piloto de drons ou comprar un aparato profesional, así como,
diferentes facilidades de pago. O
obradoiro vai dirixido a
“todo o público interesado en acadar
unha visión global e
técnica dos drons, a súa utilidade presente e futura naqueles temas
como a enxeñería, a seguridade, emerxencias, sector audiovisual ou
inspeccións técnicas entre outros eidos”.
Tamén se encamiña a
persoas iniciadas nestas tecnoloxías e orientadas ao emprego
profesional de drons, tanto dende o punto de vista da xestión como
do voo e a operación.