A PolicÃa ten que advertir que unha SMS da Seguridade Social non é un timo
mércores, 27 de novembro do 2019
Nos últimos dÃas numerosos cidadáns recibiron unha mensaxe
de texto no seu móbil remitida pola TesourerÃa Xeral da Seguridade Social na
que informan de que a comunicación anual da vida laboral está accesible a través da Sede Electrónica da
Seguridade Social, nunha mensaxe sen acentos e cunha ligazón sen https://,
o que espertou moitas sospeitas de que puidese ser un timo, polo que a propia PolicÃa
tivo que empregar as súas redes sociais para confirmar de que a SMS non é unha
falsidade. Cómpre salientar que aÃnda que a ligazón comunicada non sexa
segura, non acontece o mesmo coa páxina de destino, que emprega cifrado e
incluso precisa de certificado dixital ou sistemas de verificación de
identidade equivalentes para as administracións públicas.
Este tipo de aviso deberÃa levar a reflexionar sobre as prácticas de
comunicación das administracións públicas, que non parecen ser as máis axeitadas,
non só por redactar unha mensaxe de texto cun formato que parece un timo (levando
a que a comunicación sexa automaticamente ignorada por usuarios fartos de
recibir mensaxes semellantes con ligazóns fraudulentas), senón polo mero feito
de empregar unha mensaxe de texto para enviar unha ligazón. A SMS pretende
substituÃr ao envÃo do informe de vida laboral en papel, o que supón un grande
aforro, pero deberÃan optar por métodos máis naturais de facer isto, como o
correo electrónico.