A Policía Nacional quere que empreguemos o smartphone como DNI

O director xeral da Policía Nacional, Francisco Pardo Piqueras, presentou no Congreso dos Deputados o orzamento asignado ao seu organismo dentro do Proxecto de Orzamentos Xerais do Estado 2021, que ascende a 3.651.136.840 euros, destacando o feito de que a partida para informática e telecomunicacións sexa de 10.956.890 euros, o que supón triplicar a súa dotación, constatando a aposta pola dixitalización a través da nova División de Operacións e Transformación Dixital.
Cómpre salientar o Proxecto Identidade Dixital DNIe, financiado con recursos do Fondo da Unión Europea para a Recuperación e Resilencia da economía española, que conta cunha dotación global de 25 millóns de euros dos que 6,5 incorporaranse ao exercicio de 2021. Dentro deste proxecto desenvolverán o DNI 4.0, o DNI Exprés, a incorporación de tabletas na expedición de documentos, o pagamentos de taxas mediante TPV e a app DNIe en el móvil.
Esta última iniciativa lembra a miDGT, aplicación móbil que permite empregar o noso smartphone a xeito de carné de conducir e como permiso de circulación do noso vehículo, ou sexa, que permitiría utilizar o teléfono a xeito de Documento Nacional de Identidade á hora de identificarnos antes as Forzas de Seguridade do Estado, o que sería un gran avance na dixitalización, e que podería ser o pulo necesario para un uso efectivo do DNI electrónico.