A Mesa felicita á sociedade galega pola súa contribución ao acordo entre Netflix e a Xunta
martes, 15 de marzo do 2022
A
Mesa pola Normalización Lingüística emitiu un comunicado no que
valora positivamente o
acordo anunciado este 15 de marzo entre a Xunta e Netflix do que
falamos en Código Cero, e que se dirixe a materializar a dobraxe
e lexendaxe de máis de 60 filmes ao ano, con especial presenza de
contidos infantís. Segundo
lembra A Mesa, trátase dun dos puntos recollidos pola Iniciativa
Xabarín impulsada pola entidade de defensa da lingua, que contou
co apoio de 33.000 sinaturas e que concitou a unanimidade
parlamentar. A proposición unánime do Parlamento Galego instaba á
Xunta “a chegar a a acordos con outras administración e empresas
co fin de garantir a opción dobrada e lexendada a galego”.
O
presidente da Mesa, Marcos Maceira, lembrou “que o Parlamento
galego foi o único do Estado en se facer eco da ampla demanda cidadá
ante a exclusión do galego dos produtos audiovisuais, nomeadamente
das grandes plataformas, que reuniu ducias de colectivos sociais,
centos de estabelecementos comerciais e, finalmente, máis de 33000
sinaturas que permitiron o acordo unánime do Parlamento galego”.
Na súa opinión, o conxunto da sociedade da nosa terra ten motivos
de abondo para congratularse, “por ter sido a propia cidadanía o
motor dun acordo útil para o galego e útil para todas as linguas do
Estado, o que demostra que a unidade pola lingua é o mellor axente
nornalizador".
O
acordo entre a Xunta e Netflix chega en pleno debate no congreso
sobre a Lei Audiovisual no que os puntos da Iniciativa Xabarín
relativos ás grande plataformas estarán presentes grazas á
Iniciativa polo audiovisual galego, no que participan entidades do
ámbito académico, profesional, empresarial e lingüístico e que xa
presentou as súas emendas aos principais grupos políticos.
"O
obxectivo da Iniciativa Xabarín era que o audiovisual deixase de ser
un ermo para o galego", recordou Maceira, "e nese sentido
cónstanos que está a traballar a TVG, que disponibilizará a súa
plataforma audiovisual con canle xabarín este ano, e avanza o acordo
da Xunta con Netflix".
Maceira
engadiu que segue a existir un importante materia pendente: “Só
falta que a Lei Audiovisual camiñe tamén nese sentido, e niso está
a traballar a Mesa conxuntamente coas entidades dos sector e cos
partidos políticos".