A III edición de Altia Premia TFG ETSE xa ten gañadora
luns, 28 de febreiro do 2022
O
xurado do III Altia Premia TFG da ETSE, composto por profesionais de
Altia e a Escola Técnica Superior de Enxeñaría da Universidade de
Santiago de Compostela, seleccionou á gañadora desta nova edición.
Celia
Fernández Pérez, co seu traballo fin de grao titulado Programación
dun nodo IoT autónomo con comunicación sen fíos, foi
galardoada co premio de 1.500 euros, despois de que o cinco
finalistas presentasen os seus TFG o pasado 24 de xaneiro no salón
de actos da ETSE, na Universidade de Santiago.
Tanto
os responsábeis da escola como da empresa de novas tecnoloxías con
sede en Oleiros (A Coruña) felicitaron ás e aos finalistas pola
“boa calidade e o bo nivel das presentacións realizadas”.
O
premio será entregado durante os actos do día da Escola de
Enxeñaría 2022.
Altia
Premia TFG ETSE é unha iniciativa conxunta de Altia e a ETSE que
naceu co obxectivo de recompensar o talento, a paixón e o esforzo
dos estudantes do Grao en Enxeñaría Informática da Universidade de
Santiago de Compostela.
