A Fundación TIC amosará con contidos dixitais o labor dos empresarios novos de Lugo
venres, 31 de marzo do 2017
A
Fundación
TIC da Deputación de
Lugo e AJE Lugo (a Asociación de Empresarios Novos da provincia de
Lugo) veñen de asinar un acordo destinado a estreitar a
colaboración para divulgar a cultura emprendedora nos concellos
lucenses, facendo especial fincapé na poboación nova, “e
especialmente entre o alumnado e os titulados da Escola de Imaxe e
Son”. O
patrón da TIC, e deputado
de Relacións Institucionais, Álvaro Santos, e o presidente de
AJE-Lugo, Mauricio Repetto Morbán, asinaron este venres o convenio
e salientaron que en virtude del, a entidade da Deputación difundirá
nas redes e con contidos dixitais o labor que desenvolve
a asociación empresarial.
Pola
súa banda, AJE ofrecerá a experiencia dos seus asociados aos
alumnos da EIS e impartirá masterclass nas
que as
mozas
e mozos
coñezan a iniciativa emprendedora e cal é o camiño que teñen que
seguir para decantarse pola vía do autoemprego. Tamén ofrecerá
prazas para que realicen o módulo de Formación no Centro de
Traballo (FCT) ao abeiro
da asociación. Ademais os titulados de Realización e Produción da
Escola da TIC que estean inscritos na bolsa de traballo
da
entidade da Deputación de Lugo
poderán desenvolver, en colaboración con AJE, traballos prácticos
de investigación e desenvolvemento.