A Facultade de Informática da Coruña acolle este sábado o acto de graduación
venres, 26 de xuño do 2009
A Facultade de Informática acollerá mañá, sábado 27, ás 18.30 horas o acto de graduación das tres titulacións e do máster que se imparten neste centro situado no Campus de Elviña. Segundo informa a Universidade da Coruña, no acto oficial estarán presentes o reitor, José María Barja Pérez, o decano da Facultade de Informática, Alberto Valderruten Vidal, o representante do profesorado, José Carlos Dafonte Vázquez, o representante da empresa Igalia (especializada en desenvolvementos de software libre), José Dapena Paz, e os representantes do alumnado, Macías Lopez Iglesias e Sabela Ramos Garea.
Asemade, haberá tamén unha actuación musical dos compoñentes da Orquestra de Cámara da Universidade da Coruña, con temas de J. Castro “Chané”, Xoan Montes, M. del Adalid, A. Gaos Berea e P. Veiga.
