A Facultade de Ciencias Sociais e da Comunicación renova a súa páxina web
mércores, 7 de setembro do 2011
- Josefa Piñeiro, Daniel Martà e David Cegarra durante a presentación da nova páxina web
A Facultade de
Ciencias Sociais e da Comunicación da Universidade de Vigo estrea
feitura da súa páxina web, que aparte dun cambio estético tamén supón a
creación dunha comunidade virtual que facilita aos seus usuarios o contacto e o
intercambio de información. O novo espazo virtual foi deseñado polos alumnos do
centro Josefa Piñeiro e David Cegarra. Precisamente foi este último, alumno de
3º de Publicidade e Relacións Públicas e responsable do nova estética da páxina
web, quen asegurou durante a presentación da nova páxina web que «é un proxecto de todos e se manterá viva grazas á colaboración da xente».
A páxina web da Facultade de Ciencias
Sociais e da Comunicación naceu en 2003 como resultado dun proxecto de fin
de carreira de Publicidade e Relacións Públicas, e agora foi a alumna de 3º
ciclo da Facultade a que desenvolveu toda a súa arquitectura de contidos «pasando dunha páxina en HTML estática a un
espazo dinámico aberto para o diálogo e que sexa quen de amosar a actividade
diaria da institución», para o que tiraron proveito da solución de código
aberto Joomla.
- A nova páxina web foi desenvolvida por alumnos do centro