A Editorial Galaxia avanza na súa transformación dixital
mércores, 28 de setembro do 2022
Marta Fernández-Tapias, delegada territorial da Xunta de Galicia
en Vigo, visitou
hoxe as instalacións da Editorial Galaxia para coñecer de primeira man o
novo proxecto que conta co apoio da Axencia Galega de Innovación para a
transformación dixital do sector cultural na área metropolitana.
Os responsables da editorial viguesa explicaron á representante
autonómica a iniciativa que xa está en marcha para crear un departamento de
I+D+i e integrar unha nova liña de negocio de impresión baixo demanda co
obxectivo de abaratar a creación e edición de publicacións. Ademais, explicaron
na súa sede da Avenida de Madrid os plans de futuro para dixitalizar a
histórica e recoñecida firma coa incorporación de novas tecnoloxÃas.
AsÃ, gracias ás axudas para a mellora da capacidade de
innovación das empresas da Axencia Galega de Innovación, a Editorial Galaxia
recibiu no programa Innova Peme de este ano 2022 un total de 83.054 euros para
poñer en funcionamento o seus proxectos. O importe total das subvencións para a
mellora da capacidade de innovación das empresas na área de Vigo, a través do
financiamento das actividades integradas en plans de innovación enmarcados en
prioridades estratéxicas da RIS3 Galicia 2021-2027, ascendeu a un total de
475.829 euros.
