A ETSE da USC celebra mañá un Foro de Presentación de Empresas

O Colexio Profesional de Enxeñaría Técnica en Informática de Galicia (CPETIG) participará cun expositor, mañá no V Foro de Presentación de Empresas para Enxeñaría Informática (FEI’’2013), organizado pola Escola Técnica Superior de Enxeñaría da Universidade de Santiago de Compostela.
O FEI’’2013 desenvolverase en horario de mañá e de tarde no Salón de Actos da Escola Técnica Superior de Enxeñaría, e o obxectivo principal do mesmo é o coñecemento mutuo entre as empresas participantes no programa de prácticas da ETSE e os estudantes, candidatos a realizar as prácticas, así como os estudantes de último curso interesados na inserción laboral. Outro dos obxectivos do Foro é detectar intereses mutuos na realización de Traballos Fin de Grao nas empresas colaboradoras.
A presencia do CPETIG no FEI’’2013 ten como obxectivo dar a coñecer o Colexio Profesional aos futuros novos titulados e informalos sobre as diferentes vantaxes que aportará a colexiación, tanto para completar a súa formación, como á hora de buscar un emprego.
O encontro repartirá a presentación das distintas empresas seguindo o seguinte programa:
SESIÓN DE MAÑÁ
· 10:00 – Altia – Miguel Ares
· 10:15 – Bahía Software – Gustavo Gómez Martín
·10:30 – Balidea – Mila Rey Rivas
· 10:45 – CESGA – Andrés Gómez
· 11:00 – Grupo Isonor – Cristina Pérez
· 11:15 – Igalia – Xavier Castaño
· 11:30 – Ozona – Uxía Fernández
· 11:45 – Tecnocom – Leticia Torrejón
· 12:00 – Tesla – Esteban Vázquez
· 12:15 – Distribérica Regalos Online – Cristina Pérez

SESIÓN DE TARDE
· 16:00 – Anubia – Wilfredo Santana
· 16:15 – Everis – Alberto Borrego Díez
· 16:30 – Tarlogic Security – Andrés Tarascó
· 16:45 – CPEIG – Fernando Suárez