A Deputación inclúe nos cuartos Premios PEL un galardón para distinguir innovación anti-COVID
xoves, 12 de novembro do 2020
- Entrega de galardóns da edición 2019 dos premios
A
Deputación
da Coruña convocou a cuarta edición dos Premios PEL, que
incluirán un recoñecemento para as iniciativas que poñan en xogo
innovación anti-COVID. Repartiranse un total de 75.000 euros en
premios destinados a pemes, microempresas, persoas profesionais
autónomas, concellos e asociacións empresariais.
O
prazo para presentar candidaturas abrirase en canto se publique a
convocatoria na Base Nacional de Subvencións.
O
ano pasado recibiuse unha cifra considerábel de propostas: máis de
230. Trátase dun dos certames de meirande participación e acollida
na escena provincial, sinala a organización.
Os
premios insírense na liña PEL-Emprende do Plan de Emprego Local
(PEL) da Deputación. O seu obxectivo é o de “recoñecer o esforzo
e implicación das empresas, das asociacións empresariais e dos
concellos da provincia no desenvolvemento económico e na creación
de emprego e riqueza”.
Como
dixemos, nesta convocatoria repartiranse un total de 75.000 euros,
con 15.000 euros para cada categoría.
Este
ano, “debido a excepcionalidade da situación que estamos a vivir”,
a Deputación ten en consideración dedicar un premio dirixido a
aquelas iniciativas innovadoras que, impulsadas tanto por empresas
como por concellos, contribúan á loita contra a COVID-19.
Deste
xeito, ás cinco categorías que conforman esta nova edición son:
1ª
categoría: Premio á mellor iniciativa empresarial nova.
2ª
categoría: Premio á mellor iniciativa empresarial consolidada.
3ª
categoría: Premio á mellor iniciativa innovadora na loita contra a
COVID-19.
4ª
categoría: Premio ao concello promotor do emprego de calidade.
5ª
categoría: Premio á mellor asociación empresarial.