A Deputación de Pontevedra recibe á enxeñeira Andrea Cascallar
venres, 5 de xaneiro do 2024
O
vicepresidente
da Deputación de Pontevedra, Rafa Domínguez, recibiu este mércores
no Pazo Provincial a Andrea Cascallar, a primeira muller española
en gañar o Best PhD Thesis Award da Sociedade Europea de
Lóxica Difusa e Tecnoloxía (EUSFLAT). O vicepresidente enxalzou o
papel da moza de Cerponzóns (Pontevedra) “como referente feminino
nun eido tan masculinizado coma as STEAM”.
Andrea
Cascallar, que actualmente traballa en Data Scientist, converteuse,
con 30 anos, na primeira muller nada en España en gañar o Eusflat
Best PhD Thesis Award que, ata a data só recibiran outras tres
mulleres en Europa. “É un orgullo para a provincia”, manifestou
Domínguez, que aproveitou a ocasión para desexarlle moitos éxitos
na súa carreira.
Andrea
Cascallar agradeceu á institución o apoio prestado e, igual que
Domínguez, reivindicou o talento da provincia e a importancia e
necesidade de recoñecelo.
Durante
a súa visita Domínguez salientou a importancia da tese desenvolvida
pola científica, centrada na Intelixencia Artificial e, máis polo
miúdo, no desafío de modelar a imprecisión na linguaxe, hibridando
as protoformas cuantificadas difusas coa xeración da linguaxe
natural, un ámbito clave da IA que facilita a comunicación entre
persoas e máquinas.