A Deputación de Pontevedra e Abanca lanzan unha app que facilita o pagamento dos tributos
martes, 2 de xuño do 2020
A
Deputación
de Pontevedra, en colaboración coa entidade financeira Abanca, puxo
en marcha este mes de xuño unha aplicación móbil para permitir
o pagamento dos tributos municipais e calquera outro ingreso de
dereito público xestionado polo ente provincial. Con esta nova
ferramenta dixital, as persoas usuarias serán quen de realizar o
pago dos impostos xestionados polo ORAL “cunha maior facilidade”,
explicou a entidade provincial, salientando a vantaxe de poder
abonalos “desde calquera lugar e en calquera momento dentro dos
períodos de cobro de cada mes”.
A
aplicación, dispoñíbel para os sistemas operativos Android e iOS,
é de balde e xa se pode descargar nos acubillos en liña propios de
cada sistema.
A
Deputación explicou que creación desta nova aplicación móbil
busca “fomentar a utilización da Administración Electrónica co
obxectivo de evitar, nestes tempos de COVID-19, desprazamentos
innecesarios fóra do fogar”. Atópase inserida dentro do paquete
de medidas urxentes extraordinarias nos ámbitos social e económico
establecido pola Deputación de Pontevedra para facer fronte ao
virus.