A Deputación de Pontevedra dá novos pasos na transformación do comercio e da administración
venres, 22 de decembro do 2023
A
Deputación de Pontevedra segue a avanzar na tramitación de
proxectos financiados con fondos europeos que benefician aos
concellos da provincia. Nesta ocasión, como informou o presidente
provincial, Luis López, en rolda de prensa, a xunta de Goberno
aprobou adxudicar dúas novas actuacións cun orzamento total de
558.000 euros e que beneficiarán a 46 concellos da provincia.
Por
unha banda, adxudÃcase a instalación de dispositivos para reciclaxe
de residuos especiais ao abeiro do proxecto Da túa man
(rural) de apoio á actividade comercial a hostaleira local do rural
da provincia por 38.659 euros nos concellos de Arbo, Barro, Campo
Lameiro, Cuntis, Forcarei, Meis, Mondariz, As Neves e Rodeiro. O
obxectivo é achegar ao cidadán o servizo de recollida de pequenos
residuos domésticos que poidan depositarse no punto limpo, pero que,
polo seu volume ou tamaño, soen acumularse no fogar ou se eliminan
na bolsa de lixo convencional, como DVD, luminarias, pilas, aparatos
eléctricos e electrónicos de pequeno formato, teléfonos móbiles,
cartuchos de impresoras, etc., sen chegar a ser trasladados a esa
instalación
Pola
outra banda, a Deputación adxudicou por 519.400 euros o proxecto de
integración dos sistemas de Administración Electrónica de 45
concellos coa Carpeta Cidadá da Administración do Estado, a
plataforma tecnolóxica que permite á cidadanÃa un acceso sinxelo e
rápido a diferentes tipos de información relacionados cos seus
trámites. O proxecto enmárcase dentro do programa de Transformación
Dixital dos concellos de menos de 20.000 habitantes da provincia, un
programa financiado con 2,5 millóns de euros de fondos europeos e
que está formado por cinco liñas diferentes.