A Deputación de Pontevedra amosa en Cangas a capacidade dixitalizadora de SmartPEME
mércores, 30 de novembro do 2016
A
Deputación de Pontevedra segue adiante coa súa rolda itinerante de
presentacións de SmartPEME, o programa de actividades formativas da
entidade provincial directamente encamiñadas a capacitar, coa axuda
de seis sedes SmartPEME e os concellos, a empresas e profesionais da
provincia en materia TIC. A
máis recente presentación celebrouse este martes en Cangas. No acto
participaron o deputado de Innovación e Promoción Económica,
Javier Dios, e empresarios e autónomos locais. A xornada tivo
lugar no salón de plenos da casa consistorial da vila e tamén
contou coa asistencia do seu alcalde, Xosé Manuel Pazos Varela.
Segundo
fixo saber Dios, o proxecto SmartPEME é “un novo modelo de servizo
orientado á mellora competitiva das pequenas e medianas empresas e
persoas emprendedoras e autónomas e á procura dunha melloría nas
vendas e na eficacia e eficiencia das tarefas”. O programa,
engadiu, abre novos eidos de actuación e acada novos grupos de
interese coma os e as emprendedoras, as asociacións empresariais e
os axentes de dinamización en concellos, “todo iso empregando as
Tecnoloxías da Información e da Comunicación, as TIC”.
Javier
Dios asegurou que "SmartPEME está pensado como un servizo que
engloba a todos os axentes implicados no emprego porque é algo que
nos atangue a todos e a todas”. E engadiu: “Quen estamos unidos e
unidas polo noso firme compromiso polo benestar da cidadanía debemos
involucrarnos en conxunto e crear sinerxías”.
Tamén
fixo saber que entre os beneficios que pon en xogo o programa atópase
“a incorporación dunha estratexia personalizada para cada caso
individual, ademais da especialización de cada unha das oficinas
segundo os sectores máis implantados no tecido empresarial de cada
territorio”.
Nas
oficinas de SmartPEME instaladas en Cambados, Lalín, Ponteareas,
Pontevedra, O Porriño e Vigo estanse pondo en marcha as seguintes
actividades: itinerarios de obradoiros temáticos con diversos niveis
de dificultade adaptados ás necesidades das empresas, eventos de
networking trimestrais coa participación de profesionais de
prestixio, colaboración con asociacións e promoción de alianzas
institucionais, especialización sectorial dos asesores e asesoras en
función das necesidades da súa área de influencia, kits de
asesoramento en novas tecnoloxías a emprendedores, identificación e
difusión das necesidades TIC aos provedores de solucións para as
pequenas e medianas empresas e, tamén, impulso de novas carteiras de
servizos de asesoramento.