A Deputación de Ourense ofrece formación en emprendemento a través das tecnoloxías maker
venres, 11 de febreiro do 2022
A
Deputación de Ourense ofrece formación en emprendemento mediante as
tecnoloxías argalleiras e creativas. Faino
no marco do proxecto Emprende Makers, co-financiado ao 75% polo
Fondo Europeo de Desenvolvemento Rexional (FEDER). O obxectivo desta
proposta formativa é “mellorar a competitividade das pequenas e
medianas empresas, optimizando as condicións necesarias e propicias
para a aparición de novas iniciativas empresariais”.
En
palabras da Deputación búscase “facilitará a creación e
desenvolvemento dunha rede de emprendemento baseada nos centros de
fabricación dixital e prototipado da Eurorrexión Galicia-Norte de
Portugal (GNP) que actuará como un espazo común de innovación
tecnolóxica e creativa”. Nesta rede as persoas interesadas no seu
uso (especialmente persoas novas) poderán acceder a un espazo e a
unhas ferramentas que lles axuden a converter en realidade a súa
idea de proxecto: desde a concepción, prototipado e testeo con
adaptación ás necesidades do mercado até a súa posterior
aceleración e lanzamento.
Esta
formación
As
accións formativas realizaranse en modalidade b-learning,
combinando a formación presencial (en sedes da provincia de Ourense)
e online, as cales estarán dispoñíbeis nunha plataforma
colaborativa de aprendizaxe.
Esta
formación gratuíta comezará o próximo 15 de febreiro, e a
inscrición pode facerse a través da web Norformación.es.