A Deputación de Lugo achegou 300.000 euros aos concellos para impulsar a súa dixitalización
martes, 27 de decembro do 2016
A
Deputación
de Lugo vén de facer reconto da
súa actividade en
materia de dotacións orzamentarias aos concellos ao longo de 2016,
ao tempo que avanzou as liñas a seguir no ano entrante. As cifras
foron dadas a coñecer pola deputada de Economía e Facenda, Mayra
García Bermúdez, durante
o plano provincial deste martes. Sinalou que a entidade provincial
desenvolveu
8 programacións, que responden aos obxectivos de fomentar o emprego,
os servizos sociais e as infraestruturas no rural “para garantir a
igualdade de oportunidades na provincia”, aos
Concellos, por un valor superior os 10 millóns de euros. Esta
contía, sinalou, foi distribuída “en base a criterios totalmente
obxectivos”. Respecto de 2017, o roteiro será moi semellante, só
que se partirá dun investimento mínimo de 12 millóns. En materia
TIC, a contía destinada aos concellos en 2016 foi de 300.000 euros.
Esta
cantidade de
300.000 euros,
sinalou a deputada, distribuíuse atendendo á superficie,
poboación, esforzo fiscal e ás unidades de poboación
de cada municipio. “Con estes fondos”, explicou, “o Goberno da
Deputación financia as melloras que os Concellos teñen a obriga de
levar a cabo nas súas ferramentas tecnolóxicas debido á entrada en
vigor da
Lei do Procedemento Administrativo Común das Administracións
Públicas e a do Réxime Xurídico do Sector Público”. En liñas
xerais, o esforzo feito puxo o foco en materia de Administración
Electrónica e na dixitalización do día a día dos consistorios en
relación coa cidadanía.
No
que atinxe ao Plan de aforro enerxético da Deputación, a contía
foi de 1,5 millóns de euros. Este distribuíronse en base
á superficie,
poboación, núcleos poboacionais e esforzo fiscal de cada concello.
Supuxo axudas de entre 16.000
e 46.000 euros nos municipios. Con este orzamento, o Goberno da
Deputación financia 61 melloras en alumeados públicos, 30
instalacións de caldeiras da biomasa e 9 illamentos térmicos en
instalacións públicas municipais dos Concellos.
O
resto dos 10 millóns foron dar a DepuEmprego (3 millóns), Servizo a
Domicilio (1,5 millóns), Plan de Obras e Servizos (3,7 millóns),
axudas para actividades culturais (80.000 euros), axudas para
actividades deportivas (80.000 euros) e axudas para obras e
equipamentos nas instalacións culturais (80.000 euros).