A Deputación da Coruña impulsa 18 proxectos culturais innovadores
xoves, 20 de decembro do 2018
Un
total de 18 iniciativas culturais innovadoras están a coller pulo a
través das axudas da Deputación da Coruña. Máis
polo miúdo, a través da área de Cultura que dirixe Goretti
Sanmartín, que destina 214.533 euros a “iniciativas de especial
relevancia cultural e social”, singulares e innovadoras. Entre
os proxectos impulsados figura unha proposta integral para mostrar
mulleres na historia, un repositorio documental, unha plataforma de
performance (a plataforma De corpos presentes, alentada
Sabela Mendoza) por ou unha revista en liña (a revista de contidos
dixitais Vinte, promovida por María Yáñez).
“Queriamos
apoiar proxectos singulares, axudar a que iniciativas culturais de
especial valor social, patrimonial ou creativo puidesen levarse a
cabo", sinalou a vicepresidenta provincial, engadindo que se
trata dunha “iniciativa novidosa que completa o mapa de liñas de
subvención en concorrencia competitiva incluíndo, por vez primeira
a posibilidade de apoiar propostas presentadas por entidades
lucrativas”. Asemade, salientou que as propostas teñen en común o
feito de abordar dende a cultura contidos de carácter social,
medioambiental, patrimonial ou comunitario. Todas elas comparten a
busca dunha sociedade máis igualitaria e máis xusta, engadiu.
