A Coruña, incluída no xogo de xeolocalización de Pascual
venres, 15 de xuño do 2012
A cidade da Coruña
vén de ser incluída na rede de actividade de geocaching
de Pascual para a promoción dos seus proxectos Bifrutas. A
iniciativa, un xogo en liña con vertentes na dimensión real,
chámase Cazadores
de Experiencias
Bifrutas e tivo a súa primeira
edición en setembro e outubro do ano pasado en Madrid e Barcelona,
na que participaron, informa a organización, centos de persoas. A
gran novidade agora é que o certame esténdese a Sevilla, Valencia,
Zaragoza, Murcia, Mallorca, Bilbo, As Palmas e, tamén, A Coruña.
A actividade é puro
geocaching, só que con faciana comercial. Polo tanto,
tratarase de buscar, en equipo ou de xeito individual, tesouros
agochados, reais ou virtuais, empregando para este fin aplicacións,
coordenadas ou pescudas. Os tesouros en cuestión, como é de
supoñer, teñen relación directa cos devanditos produtos de
Pascual. Esta edición 2012 do concurso artéllase en varias fases.
Na primeira, teremos que procurar, a través de Google Street View,
diversos agasallos agochados, “aos que poderemos acceder
directamente na web ou a través das redes sociais Facebook ou
Tuenti, que inclúen a axuda de vídeos titoriais”. O concurso,
que se desenvolve até o 31 de outubro, inclúe arredor de
cincocentos premios a repartir nas devanditas cidades e ao longo do
devandito período de tempo.
