A Casa do Mapa da Coruña lanza unha aplicación para xerar mapas ou fotos aéreas personalizadas
mércores, 6 de setembro do 2023
A
Casa
do Mapa da Coruña ofrece un servizo de impresión no momento
dispoñíbel en castelán, galego, catalán, éuscaro e inglés.
Trátase do Mapa á Carta, unha aplicación web que permite aos
usuarios xerar mapas e fotos aéreas personalizadas e situadas en
calquera localización dentro do territorio nacional, de xeito que
pasa de ser un lector de cartografía a ser un deseñador dos teus
propios mapas e fotos áreas. A ferramenta emprega como base o Mapa
Topográfico Nacional 1.25.000 ou 1.50.000 do IGN, ou as fotos aéreas
do Plan Nacional de Ortofotografía Aérea (PNOA).
Con
mapa á carta créanse mapas personalizados, onde o usuario pode
localizar e centrarse na zona do territorio que desexe; cambiar a
escala e engadir distintas cuadrículas; personalizar a cartela,
título e subtítulo; e debuxar puntos, liñas e polígonos que poden
ser rotulados, ou ben inserir outros datos xeográficos propios ou
incorporar directamente os roteiros de lecer e tempo libre do Centro
de Descargas do CNIG.
A
aplicación ofrece a posibilidade de crear catro produtos:
1.
Mapa rápido: para personalizar o mapa en poucos clics.
2.
Mapa elaborado: a versión máis avanzada e con maior configuración
para un mapa tradicional con cartela.
3.
Mapa póster: para crear un mapa ideal para enmarcar, sen cartela nin
lenda.
4.
Foto á carta: para personalizar un póster coa foto aérea da zona
elixida.
Unha
vez xerado o PDF de alta calidade, o usuario pode imprimilo,
descargalo de maneira cen por cen de balde, enviar unha ligazón a
outra persoa ou encargar un número determinado de copias en papel en
diferentes acabados para ser impresos na Casa do Mapa da Coruña en
papel normal e satinado.
Tamén
se pode solicitar a impresión nos talleres cartográficos do IGN
noutro tipo de acabados, como o papel fotográfico ou en material
ríxido pensado para decoración.
A
aplicación atópase xa dispoñíbel en liña.
Para
facilitar o seu uso, a
aplicación acompáñase de vídeos explicativos sobre o proceso de
elaboración de mapas á carta.
“Este
servizo abre un amplo abanico de posibilidades de uso adaptado ás
necesidades dos usuarios en actividades deportivas, de lecer e tempo
libre, protección civil, seguridade cidadá, servizos de salvamento,
etc”, explican dende a Casa do Mapa do Coruña, salientado a
posibilidade de definir a fracción de territorio que vai conter o
mapa, amais do fondo cartográfico, ao que se suma a opción de
introducir textos, roteiros, puntos singulares ou áreas de interese,
etc.