A Cámara de Santiago organiza unha xornada sobre aspectos legais na dixitalización da empresa
mércores, 23 de febreiro do 2022
- Ramón Rey será o encargado de impartir os contidos
A
Cámara
de Comercio de Santiago organiza este xoves, 24 de febreiro, ás
10.00 horas, unha xornada en liña e de balde sobre a vertente legal
dos procesos de transformación tecnolóxica nas pemes. A actividade,
enmarcada na Oficina Acelera Peme (co-impulsada por Red.es e a
entidade cameral compostelá), aborda os aspectos regulamentarios e
normativos que cómpre ter en conta na dixitalización do noso
negocio, aspectos que deben ser considerados polos empresarios e os
traballadores autónomos.
“A
celeridade coa que moitas organizacións tiveron que adaptarse a esta
realidade dixital afecta de maneira negativa, xa que a falta dun
asesoramento específico no dereito das novas tecnoloxías provoca
que se pasen por alto disposicións xa asentadas no noso ordenamento,
cuestións como a protección de datos ou a protección de autoría
dun contido web”, explica a entidade cameral, poñendo o foco tamén
nas políticas de vendas a través de plataformas de comercio
electrónico, cuxos aspectos esenciais cómpre comprender e respectar
á hora de deseñar a presenza dixital das diferentes entidades.
Co
ánimo de levar a cabo unha aproximación a este contido xurídico, a
Cámara a de Comercio de Santiago de Compostela organiza esta xornada
para que “tanto as empresas como os traballadores autónomos poidan
diagnosticar cal é o estado da súa organización e desta forma
implantar as medidas axeitadas”.
A
xornada deste xoves estará impartida por Ramón Rey, doutor en
Dereito e Mestrado en Dereito de Autor e Novas Tecnoloxías.
Desenvolve a súa actividade profesional como avogado na empresa
xurídica Ausum, con sede en Compostela, dende onde ofrecen
asesoramento a grupos empresariais, organismos públicos e privados,
así como a empresas familiares e pemes. O equipo ofrece unha extensa
e probada experiencia coa esixencia imposta da formación formación
de maneira continúa. Ramón Rey é profesor de Dereito na
Universidade Internacional da Rioxa, e autor de diferentes
publicacións con editoriais de recoñecido prestixio.