A Cámara da Coruña mellorará a seguridade dixital de 10 empresas
xoves, 4 de maio do 2023
Dez serán as empresas da contorna coruñesa que se verán
beneficiadas pola Cámara
da Coruña para seren máis competitivas dixitalmente e isto grazas
ao programa europeo Ciberseguridade 2023, deseñado
para o desenvolvemento de plans encamiñados á introdución de
sistemas de ciberseguridade. Asemade, as empresas participantes
poderán recibir unhas axudas directas ao investimento de até 3.200
euros.
O dÃa 2 de maio abrÃase o prazo de solicitudes e as prazas
esgotábanse en cuestión de horas.
O dito programa ten como obxectivo principal promover o uso seguro e
fiábel do ciberespazo, asà como maximizar as oportunidades de
mellora da produtividade e competitividade á vez que se protexen os
dereitos e as liberdades dos cidadáns e se lle dá un pulo ao
progreso socio económico. Dende a súa posta en funcionamento en
2020, a Cámara da Coruña atendeu a máis de 34 empresas e xestionou
un total de máis de 100.000 euros en axudas..
Engadir que este programa está co-financiado polo Fondo Europeo de
Desenvolvemento Rexional (FEDER), e consta de dúas fases: unha para
realizar diagnóstico e recomendacións (co-financiada ao 100% entre
FEDER e Cámara) e unha segunda na que se contemplan as axudas
directas ao investimento das empresas (co-financiadas nun 80% por
FEDER e no 20% restante pola empresa).
