A CNMC destaca nun informe que os operadores móbiles maioritarios tiveron que reducir os seus prezos en 2013
xoves, 10 de xullo do 2014
A Comisión Nacional dos Mercados e a Competencia (CNMC)
quixo deixar clara a importancia do prezo nos servizos de telecomunicación
móbiles, polo que elaborou un
informe no que fixeron un seguimento das ofertas comerciais entre 2012 e 2013,
para visibilizar que os operadores móbiles con maior cota de mercado (Movistar
e Vodafone) tiveron
que actualizar as súas ofertas para achegalas a niveis semellantes aos dos
operadores con menor cota (Yoigo e os OMV) para evitar a perda de clientes
rexistrada nos últimos anos. O estudio mide a evolución da oferta comercial dos
principais operadores entre 2012 e 2013 no segmento residencia, tanto na oferta
de voz e SMS como na banda larga móbil.
A CNMC ve claro que a perda de máis de 6 millóns de liñas móbiles por parte de
Movistar e Vodafone nos 2 últimos anos é consecuencia das polÃticas de prezo,
de aà que coas tarifas instauradas o ano pasado o prezo buscase ter un menor
impacto á hora de elixir operador.
Os paquetes ofrecidos buscan ter cada vez un prezo inferior (baixaron de media
un 40%), especialmente para usuarios cun consumo reducido, á vez que increméntase
o tráfico de datos incluÃdo. De feito, a CNMC tamén destaca que na meirande
parte dos casos engadir consumos de banda larga móbil aos servizos de voz e SMS
non supón un incremento do gasto considerable. Tamén queren destacar que no
terceiro trimestre de 2013 máis de 29 millóns de usuarios móbiles tiñan
contratado o servizo de banda larga móbil.