A AMTEGA presenta o plan de reforma da Rede CeMIT en Barcelona
luns, 30 de maio do 2022
A
rede
de aulas CeMIT participou a semana pasada III Encontro de
Dinamizadores de centros de competencias dixitais de toda España.
A cita celebrouse en Barcelona no marco do Foro Dereitos Dixitais
baixo a dirección da Asociación Somos Dixital e en colaboración
coa Plataforma Red Conecta, a Fundación Esplai e All Digital. A rede
CeMIT, responsabilidade da axencia AMTEGA e os Concellos galegos (91)
que contan con estas aulas de alfabetización dixital e dinamización
social e tecnolóxica, presentou o seu plan de reforma.
No
encontro os dinamizadores dos centros de competencias dixitais
participaron en mesas redondas, debates compartidos con profesionais
e expertos e obradoiros onde axentes implicados na defensa dos
dereitos dixitais e representantes das políticas de transformación
dixital expuxeron os logros e desafíos da dixitalización cidadá.
Abordáronse tamén temáticas como a fenda dixital e as solucións e
iniciativas que se poden aplicar para achegar o uso diario das novas
ferramentas aos colectivos máis afectados pola brecha (por exemplo a
poboación sénior). Tamén se presentaron proxectos que contribúen
a aplicar iniciativas que favorecen os dereitos dixitais da
cidadanía.
Ademais,
entregáronse os Premios Somos Dixital no que a iniciativa impulsada
pola Axencia para a Modernización Tecnolóxica de Galicia e AGASOL
Girl STEAM derrubando estereotipos, foi finalista na
categoría Inclusión Digital.
Durante
a sesión de arranque, a Axencia para a Modernización Tecnolóxica
de Galicia presentou o Plan de reforma e ampliación da Rede de
aulas CeMIT. Cara a plena capacitación dixital da cidadanía galega
na xuntanza de responsábeis de Redes co obxectivo de compartir
experiencias e ideas inspiradoras entre os diferentes representantes
das comunidades autónomas e organizacións que forman parte de Somos
Digital. Asemade, a axencia galega foi a encargada de realizar o
relatorio inaugural do obradoiro Persoas maiores e protección da
saúde, onde se deu a coñecer con datos estatísticos o uso que
fan as persoas maiores da tecnoloxía así como a súa evolución nos
últimos anos. A Rede CeMIT tamén estivo presente neste taller
compartindo como exemplo de boas prácticas o proxecto Camiña
en Dixital, levado a cabo no marco da celebración
do Día de Internet e que contou coa participación de máis de 700
persoas dos centros de competencias dixitais toda España. Con esta
iniciativa, explicou AMTEGA, “conseguiuse capacitar ás persoas
maiores no manexo das ferramentas dixitais para medir pasos e
quilómetros nas súas andainas, así como sacar fotografías e
vídeos e subilos ás redes sociais acadando os obxectivos de
fomentar o uso da tecnoloxía por parte dos maiores e impulsar
hábitos saudábeis”.
No
marco deste Foro tamén confluíron outros eventos como a celebración
da Asemblea da Plataforma Red Conecta e a Asamblea e Xunta Directiva
da All Digital que amplían o seu potencial e posibilitan
interrelacións a nivel europeo así como o intercambio enriquecedor
de experiencias e o networking entre os seus participantes.