A 5G de Telefónica na banda dos 700 MHz xa está dispoñible en 38 concellos da provincia da Coruña
venres, 1 de abril do 2022
Telefónica acendeu esta semana a 5G na banda dos 700 MHz na Coruña e Santiago de Compostela e nos
seguintes concellos da provincia da Coruña: Abegondo, Ames, Ares, Arteixo,
Bergondo, Betanzos, Boiro, Cabanas, Cambre, Carballo, Cee, Cesuras, Coristanco,
Culleredo, Fisterra, Frades, Irixoa, A Laracha, Malpica, Muros, Narón, Neda,
Oleiros, Ordes, Oroso, Padrón, O Pino, Ribeira, Rois, Sada, Santa Comba, Teo,
Trazo, Val do Dubra, Valdoviño e Zas. Continúan asà os traballos de extensión
desta rede en toda Galicia, tras a autorización por parte do Ministerio de
Asuntos Económicos e Transformación Dixital para activar os nodos desta banda
de frecuencias.
A banda de 700 MHz,
tamén chamada banda baixa, permite dar unha cobertura máis extensa, penetra
mellor en interiores e universaliza
algunhas das caracterÃsticas das comunicacións 5G, como é a baixa latencia. Deste xeito, convértese no
complemento perfecto para a banda de 3,5 GHz, na que tamén opera Telefónica e
que é idónea para servizos que precisan de moi alta velocidade de transmisión,
pero que ten un alcance menor e atravesa peor algúns obstáculos como as paredes
dos edificios, algo que si posibilita o sinal na banda de 700 MHz.
O aceso do 700 MHz
avanza desta forma na provincia da Coruña de forma progresiva, xa que a
Administración permitiu facelo en 60 instalacións á semana durante as primeiras
semanas. Ademais, as operadoras teñen que comunicar previamente as poboacións
onde se vai a acender, para que se comprobe que non hai interferencias coa TDT
e váianse resolvendo nos casos puntuais en que se produzan. O obxectivo en toda
España é terminar o ano con 1.400 municipios con 700 MHz e en 2023 chegar aos 2.400.
Co aceso do 700 MHz, Telefónica segue completando a
cobertura 5G, que en España chega xa a máis do 80% da poboación, a todas as
capitais de provincia e tanto ás grandes poboacións como a pequenas localidades
de menos de 3.000 habitantes.