33 empresas innovadoras, creativas e sustentábeis participarán no X Pont-Up Store
xoves, 27 de xullo do 2023
Pont-UP
Store, xuntanza pontevedresa do emprendemento galego, prepara
unha edición especial marcada pola celebración do seu décimo
aniversario, na que se mostrarán os modelos de negocio de 33
empresas galegas de ámbitos moi diversos, que destacan pola
innovación e a creatividade das súas propostas, pero, sobre todo,
“por levar a sustentabilidade na esencia mesma da idea de negocio e
por ter liderado feminino na súa maioría”, sinalou a organización
(Campus Crea da UVigo).
Como
dixemos, van participar nesta edición 33 startups galegas; 32
serán empresas con stand, das que 6 participarán tamén no
talent show Pont-Up Exprés, ao que se sumarán outras
iniciativas empresariais para completar un total de 7 ideas de
negocio que recibirán o feedback do xurado nesta edición, na
que, segundo engade a organización, destaca a porcentaxe de
emprendementos liderados por mulleres, un 75% do total.
En
canto a distribución xeográfica, mantense a tendencia das últimas
edicións cunha porcentaxe amior de iniciativas procedentes do rural
que alcanza o 55% fronte ao 55% que teñen a súa base nas cidades.
Por provincias, un 60% proceden de Pontevedra e o resto repártense
entre as provincias de Lugo e A Coruña. Canto aos ámbitos das
propostas, o compromiso ambiental está presente en case todas as
iniciativas, e mesmo hai varias propostas nas que o cuore do
negocio susténtase na responsabilidade social e ambiental. É o caso
de Aventura Plástica, un proxecto onde se combinan a
educación medioambiental especializada en residuos plásticos coa
produción e venda de obxectos plásticos que se reciclan de forma
artesanal.
Pola
súa parte, Green Impact Soul ofrece un servizo de
acompañamento para organizadores de eventos deportivos ao aire
libre, co fin de fomentar unha certificación de responsabilidade co
entorno e a consolidación duns hábitos relacionados coa economía
circular. E no sector dos eventos, aparece a innovadora proposta de
Luxsit, que ofrece espectáculos de luces personalizados con
enxames de drons sustentábeis como alternativa aos fogos de
artificio.
Tamén
destaca nesta edición o ámbito das consultorías: SiSubvenciones
abre un interesante e útil nicho de mercado para axudar a
particulares e empresas coa localización e tramitación de
subvencións; Insono acompaña aos proxectos
emprendedores a través dun servizo integral para promover a
creación, o desenvolvemento e a transformación dos seus negocios;
a consultoría de negocios globais Nexus axuda a pemes
españolas no acceso a mercados de Latinoamérica.
No
ámbito das enxeñarías, Fuocoair desenvolve un novo concepto
de aire acondicionado que permite quecer, ventilar e deshumidificar
toda a casa de forma simultánea mediante unha sinxela estufa de
biomasa; e Naboo Solutions presenta unha aplicación que
conecta a empresas de hostelería e distribuidoras para facilitar a
realización e a entrega de pedidos.
No
apartado do coidado persoal preséntanse dúas marcas centradas na
elaboración de cosmética natural: Alloa loita contra a
despoboamento do rural a través da creación de coleccións de
cosmética natural nas que pon en valor a flora autóctona galega;
mentres que Eco Siolaz S.L. crea produtos para
as persoas que dispoñen de pouco tempo para aplicar rutinas de
coidado da pel. Miraki Home propón produtos de aromaterapia,
velas veganas feitas a man e decoración sustentábel para o fogar.
Na
vertente educativa, Cousiñas preséntase como unha escola de
cociña orientada a todos os públicos, a cooperativa Donde viven
los cuentos ofrece un espazo infantil para nenas e nenos de 0 a 9
anos con programación de actividades para toda a familia; e Na
Utopía, oferta unha plataforma de obradoiros online
integramente en galego.
O
sector do textil, os complementos e a decoración volve contar con
iniciativas de gran interese, entre as que destacan a de Tombo
bags, que confecciona bolsos e complementos a partir de velas de
barco reutilizadas; a xoiería artesanal de Ana Freiría
elaborada con metais reciclados, como o cobre e o latón, rescatados
do sector naval para darlles unha nova vida; ou a marca AOW
Surfskate creada por surfers para surfeiros con deseños
exclusivos, elaborados de xeito artesanal en madeira de bidueiro e
fiberglass. Outras iniciativas neste ámbito son Bela
Furtiva, con mobiliario e accesorios nos que se mesturan
historias moi enraizadas na cultura galega con vivencias persoais de
alcance universal; a marca galega de roupa e pezas de vehículos
5special inspirada nas viaxes, as motos e o surf;
Blaurtopías, un proxecto persoal dedicado ao deseño e a
artesanía contemporánea a través da ilustración, a serigrafía e
a fabricación de pezas cerámicas; Faísca, unha tenda
online de xoiería artesanal realizada en arxila polimérica,
con unións de ouro de 14k hipoalerxénicas; o obradoiro de
sombrerería artesanal Julia Vilariño; os obxectos en
madeira creados por Néboa na ría a partir dunha filosofía
baseada no disfrute das experiencias diarias con deseños simples,
fermosos e funcionais; Sarai Lorenzo Ilustración, con
escenas cinematográficas ou inspiradas na nosa propia mitoloxía;
ou Vic Art Taller Creativo Soc Coop Galega que elabora
artesanalmente obxectos en madeira, papelería creativa para todo
tipo de eventos, estampado de produtos ou regalos personalizados.
En
canto ao turismo, Barvantia organiza o Camiño de Santiago
para autocaravanas, furgonetas camper e todo tipo de vehiculos
vivenda. E no ámbito da comunicación, a mercadotecnia e o deseño
atopamos a Brétema Studio e La Cuerda Floja.
Por
último, o sector da alimentación aparece como un dos máis
innovadores a través de proxectos como o de Landratech, que
pon en valor o aproveitamento das landras para consumo humano a
través de produtos como fariñas, café ou té de elaborados a
partir de landras; Outro Conto que entrega a domicilio menús
saudábeis e veganos elaborados con materia prima de calidade e
proximidade; o espazo gourmet Rural o Urbano que
fai propostas orixinais e vangardistas usando produtos gastronómicos
tradicionais e de calidade da provincia de Lugo; ou a empresa
Zumiño que transforma mazás de cultivo ecolóxico en
zumos 100% naturais.
O talent show do emprendemento galego
O
Pont-Up Exprés, perfílase un ano máis como unha das actividades
máis atractivas do encontro, que facilita o achegamento e o diálogo
entre persoas emprendedoras e o tecido empresarial galego cun
“formato dinámico e áxil” e a través de pitchs ou
presentacións de cinco minutos de duración, segundo explica a
organización, que engade que ao final da exposición de cada
proxecto as persoas escoitantes darán un feedback e farán
unha valoración a partir dos criterios relacionados coa súa
experiencia e sector de actividade.
Como
cada ano, o talent show do emprendemento galego, permitirá a
7 iniciativas empresariais presentar os seus proxectos a un xurado
integrado que nesta edición estará integrado por Luis Lopez-Boado
Prieto, director xeral Pereira Productos del Mar; Xosé Lois
Lamazares Vence, coordinador xeral de Daveiga Producións; Maite
Rodríguez Calabria, responsábel de deseño en FINSA; e Ana Olveira
Blanco, socia de Abeluria S. Coop Galega e presidenta da Unión de
Cooperativas Espazocoop. As empresas seleccionadas nesta edición son
a marca galega de roupa e pezas de vehículos 5special, onde as
viaxes, as motos e o surf son a base da inspiración; o espazo
infantil Donde viven los cuentos, Soc. Coop. Gal. para nenas e nenos
de 0 a 9 anos con actividades para toda a familia; o proxecto
Landratech que pon en valor o aproveitamento das landras ou belotas
para consumo humano a través de produtos como fariñas, café e
té fabricados a partir de landras; a empresa de desenvolvemento de
software Lareira Digital, focalizada no software aberto e libre así
como noutras áreas de desenvolvemento coma hardware, IoT,
videoxogos, etc; a innovadora proposta de Luxsit que crea
espectáculos de luces personalizados con enxames de drons
sustentábeis como alternativa aos fogos de artificio; os produtos de
madeira creados por Néboa na ría para un estilo de vida sinxelo e
pausado; e as creacións de Tombo bags, onde deseñan e confeccionan
bolsos e complementos a partir de velas de barco reutilizadas.
En
anteriores edicións o Pont-Up Exprés para iniciar colaboracións
empresariais e joint ventures tanto no ámbito público como
no privado e, sobre todo, axudou ás equipas de cada empredemento
participante a pulir e mellorar as súas ideas de negocio e a
conversión do seus productos e servizos.
Dez anos apoiando ideas emprendedoras
Pont-Up Store xurdiu no 2014 no marco da Conferencia Ibérica para o Emprendemento (CIEM) que se celebrou en Pontevedra no mes de outubro, e que partía dunha iniciativa da Universidade de Vigo (Vicerreitoría do Campus de Pontevedra) e do Grupo de investigación G4 PLUS de Desenvolvemento Estratéxico: organizacións e territorios no marco do Campus CREA da Universidade de Vigo. Concibiuse xa dende o principio como “un evento multisectorial, aberto a toda a cidadanía cuxo obxectivo é o apoio ao emprendemento e o incremento da cultura emprendedora na sociedade”.