Yoigo sorprende ofrecendo 5 Gb de datos (até 4G) a un prezo reducido

A chegada da banda larga en 4G está a revolucionar o sector da telefonía móbil, forzando tamén a axustar as súas tarifas, e unha das compañías que parece querer mudar a estrutura de prezos actual é Yoigo, que é das primeiras en ofrecer 4G para todos os seus clientes, pero que, até o momento, limitaba a súa popular Tarifa del Cero a 1,2 Gb de transferencia de datos por 11 euros/mes (volume de datos que podía consumirse con certa facilidade de gozar de conectividade LTE) e, decidiu ampliar esta tarifa cunha versión de máis capacidade, La del Cero 5 Gb, que poderá contratarse entre o 9 de decembro e o 31 de xaneiro, e ofrecerá 5 Gb de datos por 19 euros/mes (IVE incluído).
Esta nova tarifa supón unha boa oportunidade para os usuarios que consumen moitos datos dende o móbil, e dan pouca importancia a o uso da voz, o que cada vez é máis frecuente. De feito, esta tarifa é compatible con chamadas de voz e de vídeo a través de datos. O volume de datos incluídos nesta nova tarifa será especialmente de agradecer para os usuarios que gocen de cobertura 4G, pois unha maior velocidade de transferencia fai que cada vez demandemos descarguemos máis contidos.
Yoigo acompañará esta tarifa cunha oferta moi destacada de móbiles 4G a 0 euros, como o Huawei Ascend G620S e o ZTE Blade Vec; mentres que os usuarios de liñas de prepagamento tamén se beneficiarán dun incremento da transferencia de datos, que pasa de 600 Mb a 1,2 Gb na tarifa La del Uno por un prezo de só 7,26 euros/mes.