Xa ten gañador o concurso da Tecnópole para celebrar o Día das Letras Galegas
xoves, 19 de maio do 2016
Finalmente
xa ten gañador o
concurso da Tecnópole convocado para celebrar o 17 de maio, Día de
Internet e Día das Letras Galegas, un certame que consistiu en
buscar o mellor refrán na nosa lingua e no que puidemos participar
vía Twitter ou a través de correo electrónico. Segundo informa o
Parque Tecnolóxico de Galicia, o gañador do concurso foi Alberto
Chousa, pola seguinte achega refraneira: “Non hai pouco que non
chegue, nin moito que non se acabe”.
O concurso, aberto a
todas as persoas que traballan no Parque, consistiu en enviar o
refrán favorito en galego a través da canle
de Tecnópole en Twitter,
precedido da referencia #omellorefrán, ou á conta de correo
isabel@tecnopole.es. Valoráronse de xeito especial os seguintes
parámetros: a sonoridade, o significado e a orixinalidade.