Vodafone elimina ou reduce os compromisos de permanencia dos seus móbiles

Os operadores móbiles tradicionais, en vista de que entrar nunha guerra de prezos cos OMV non parece ser a mellor política para atraer a clientes doutras compañías, adoptan outras medidas para gañar en atractivo, e así estes días puidemos ver como Vodafone España elimina o compromiso de permanencia das súas tarifas cando o cliente non adquira un terminal, á vez que os clientes tanto novos como actuais que se fixeran cun móbil ao contratar a súa tarifa verán como o seu compromiso de permanencia pasa de 24 a 18 meses. Os novos clientes de Vodafone Integral (Vodafone ADSL + Base ou RED) tamén ven reducido o seu compromiso de permanencia de 18 a 12 meses.
Pero estas non son as únicas melloras nas súas tarifas de Vodafone, senón que tamén está a axustar os seus plans de prezos con máis valor e novas vantaxes como a extensión dos beneficios de Vodafone yu aos clientes de contrato cunha nova tarifa que por 20 euros/mes inclúe chamadas e mensaxes ilimitados con outros Vodafone yu, 200 minutos a todos, 1 Gb de datos e SMS ilimitados; lanza a tarifa para Hablar y Navegar en Europa RED, que permite aos clientes de Vodafone RED falar e navegar por outros países da Unión Europea por 4 euros/día cun límite mensual de 1.000 minutos, 1.000 SMS e 1 Gb de datos; amplía os minutos da tarifa Base3 de 250 a 350 minutos mantendo o prezo; e ata o 31 de xullo ofrecerá descontos de ata 50 euros na compra de terminais para os clientes de Vodafone Integral.