Unha nova firma de Wayra xestionará as esperas en todas as tendas de Telefónica
luns, 3 de agosto do 2015
Telefónica vén de dar a
coñecer que a nova empresa Qudini,
start-up xurdida de Wayra (palestra de aceleramento
empresarial innovador da operadora española) será a encarga de
xestionar as esperas e reservas nas tendas da compañÃa en todo o
mundo. Isto implica o espallamento dunha solución de Qudini baseada
na nube (primeiro nos establecementos de España e logo no resto da
cadea de tendas que a firma ten en Europa e Latinoamérica) que
permite que as empresas xestionen mellor e enriquezan as visitas dos
clientes finais ás súas tendas, facilitándolles información
precisa e actualizacións personalizadas mediante SMS, tickets e
pantallas de dispositivos.
Segundo lembra
Telefónica, a marca da operadora española no Reino Unido, O2,
xa está a tirar proveito da aplicación de Qudini en 270 tendas do
paÃs. A empresa decidiu estender os servizos de Qudini dadas as
melloras visÃbeis na experiencia dos clientes achegadas pola súa
solución. En termos concretos, esta foi quen de reducir nun 15% o
número de clientes que abandonan cada establecemento.
Os fundadores de Qudini,
Imogen Wethered e Fraser Hardy, de 26 e 23 anos respectivamente,
coincidiron nun hackathon patrocinado por O2 en marzo de 2012,
onde tiveron a idea de resolver as esperas nas tendas tirando partido
de tecnoloxÃa móbil. Tras impoñerse na dita experiencia e obter o
apoio de Telefónica, convertéronse no equipo máis novo dos equipos
aceptados pola operadora a través de Wayra en Londres. AlÃ
recibiron formación, acubillo e constituÃron a empresa.
Aproximadamente 9 meses máis tarde creouse Qudini (en marzo de 2013)
cun plan de investimento inicial de 150.000 libras (uns 200.000
euros). O seu servizo estrela é a devandita plataforma virtual (na
nube) de xestión de esperas e citas. Trátase dunha solución de
software como servizo cen por cen configurábel que permite o acceso
dos clientes dende calquera dispositivo.