Samsung abre unha tenda virtual de música para os seus móbiles
venres, 6 de xullo do 2007
Samsung, grazas a un acordo de colaboración con MusicNet, estrea unha tenda
virtual de música para os seus móbiles K3, K5 e T9 en Reino Unido Francia e
Alemaña. O novo servizo estará integrado no Samsung Media Studio (un
reprodutor multimedia propietario) e permitirá o acceso ós temas da súa tenda
adquiríndoos independentemente, en álbums ou mediante unha tarifa plana mensual.
A nova tenda
virtual conta cun catálogo de máis de 2,6 millóns de cancións que se poderán
mercar a 1,15 euros o tema, aínda que resulta máis atractiva a subscrición
mensual de 14,99 euros que permite as descargas ilimitadas.
Os responsables de Samsung afirman que o novo servizo supón unha “innovación na era dixital” que engade “unha nova dimensión para os usuarios na súa
interacción cos seus dispositivos”.