Os envíos de spam e phishing incrementáronse de novo en abril

As mensaxes de spam e phishing realizados dende os servidores web de EEUU, representaron no pasado mes de abril, segundo informan dende Symantec, “o 42 por cento da distribución global de correo malicioso no noso país, aínda que o 26 por cento foi orixinado en outras rexións”.
A compañía de seguridade informática achega estes datos referentes ao estado do phishing mundial no pasado mes de abril e neles detéctase que os phishers obtiveron a información a partir dos números da Seguridade Social e dos nomes de usuario e as súas contrasinais, porén tamén dos números das tarxetas de crédito, dos códigos de verficación destas e das direccións de correo electrónico.
Malia que os envíos deste tipo de correo se reduciran nos últimos meses, en abril os spammers centráronse en introducir as mensaxes de spam a través das ligazóns das URL, incrementando así as súas oportunidades de éxito mediante a redirección.
Symantec detectou tamén que os phishers, a través de mensaxes sobre a satisfacción do cliente, podían atacar as grandes compañías de comida rápida. Outro ataque dos spammers tivo lugar a partir do día da nai, mediante o envío de mensaxes de spam sobre produtos, como flores e tecnoloxía para regalar.