Os discos duros WD My Book World Edition non permiten compartir a través da Internet contidos multimedia
luns, 10 de decembro do 2007
Western Digital revolucionou o concepto de discos
externos cos seus modelos My Book World
Edition, que en vez de conectarse a través de interfaces USB, FireWire ou
eSATA inclúen só un conector para redes de cable de entre 10 Mbps e 1 Gbps, o
que fai que se poidan empregar na rede local doméstica ou corporativa por parte
de calquera equipo conectado, permitindo que os ficheiros almacenados no disco
duro estean dispoñibles a través da Internet mediante o servizo WD Anywhere. Pero
este sistema de almacenamento en rede non
está carente de polémica, pois o sistema de acceso de ficheiros a través da
Internet ten unha
listaxe de extensións de ficheiros que non permite compartir con outros
usuarios (para evitar conflitos coma os que xeran as redes P2P) polo que as
pelÃculas en .AVI e as cancións en .MP3 non se poderán compartir con outros
usuarios, o que sorprendeu a moitos usuarios destes discos duros de entre 500
Gb e 1 Tb que se están a vender con bastante éxito dado que abren a
posibilidade de acceder ós ficheiros almacenados nos mesmos dende calquera
lugar, resultando tamén moi atractivos para gardar contidos que se vaian a usar
dende distintos equipos.
De tódolos xeitos, existen solucións para acceder a calquera tipo de ficheiro
sen empregar a solucións subministrada polo fabricante, polo que o polémico
bloqueo de contidos multimedia poderÃa ter pouca importancia para moitos
usuarios.