O ultraportátil MSI Wind estrearse cunha pantalla de 10 polgadas
martes, 3 de xuño do 2008
O
ultraportátil MSI Wind xa é unha realidade, e se alza no Computex coma o
equipo con máis bazas de facerlle sobra aos Asus Eee PC. O primeiro
modelo que coñecemos é o U100, que sorprende por ter unha pantalla de 10
polgadas (fronte ás 8,9 polgadas habituais neste tipo de equipos) e será o
primeiro ultraportátil deste gama que chegaría ao mercado (aínda que no futuro tamén
sairá o U90 cunha pantalla de 8,9”).
O MSI
Wind U100 chegará cunha pantalla cunha resolución de 1.024 x 600
píxeles con retroiluminación LED, un procesador Intel Atom a 1,6 GHz, Wi-Fi,
opción Bluetooth, Ethernet, entre 512 Mb e 2 Gb de RAM, disco SATA de 80 Gb,
webcam de 1,3 Mpíxeles, lector de tarxetas de memoria (4 en 1), 3 portos USB, e
batería de 3 ou 6 celas.
Poderase adquirir con Linux ou Windows XP, e a súa versión máis básica custaría
uns 300 euros. No tocante ao seu peso, cunha batería de 3 celas non chegaría a
1 quilogramo, peso que superaría lixeiramente cunha batería de 6 celas, o que
lle permitiría superar as 5 horas de autonomía cun uso moderado.
As dimensións (de 260 x 180 x 19-31.5 mm) son bastante axustadas se
consideramos que o seu teclado só é un 20% inferior ao dun portátil estándar,
resultando bastante máis doado de utilizar por adultos que outros
ultraportátiles, o que podería ser unha das principais vantaxes deste equipos,
e que pareceron obviar os seus competidores.
As
probas de rendemento levadas a cabo co MSI Wind son bastante prometedoras
(supera
en case todo ao Asus Eee PC 900), e aínda que en procesador funcione
moito máis amodo que os actuais portátiles, se ve compensado por un rendemento
de memoria RAM e de disco aceptables, cumprindo coma un equipo de alta
portabilidade a un prezo reducido. Incluso mellora ao ultraportátil de Asus en
autonomía, o que sorprendería xa que MSI optou por un disco duro convencional
(que incluso gaña en rendemento ao disco SSD do Eee), polo que asegurar que o
MSI Wind é o ultraportátil de baixo custo máis atractivo parece innegable,
aínda que os prezos reais (e a dispoñibilidade de equipos) poderían ser
cruciais para o éxito destes pequenos ordenadores.